Шымкент қаласындағы «Ақ ниет» шағынауданында 800-ден аса шаңырақ 2 тәуліктен бері ауызсусыз отыр. Қазылуы бітпес көшелер халықтың берекесін қашырған.
Асанбай Мырзалиев, «Шымкент қалалық су құбырлары мен кәріз жүйелері» МҚК директоры: «Сапасыз жасалған құбырлар қысымға шыдай алмай, құбырлардың қосылған жері жарылып жатыр. Бүгін мына жерді жасасақ, ертеңіне басқа жері шығады. Арнайы су жапқыштардың (винтель) толық қойылмағанының кесірінен жөндеу үшін барлық үйлерді сусыз қалдыруға мәжбүрміз. Осында далаға аққан судың ысырапсыздығынан мекеме осы жылдың 6 ай ішінде 40 миллион тенгеге қарыз болып отыр. Бұл сапасыз құбырлардың жасалуы жалғаса берсе мұның арты не боларын елестетудің өзі қиын.»
