Облыстық төтенше жағдай департаментінің мамандары соғыс ардагеріне құрмет көрсетті. Департаментке қарасты «Өрт сөндіру және авариялық-құтқару жұмыстары қызметі» мемлекеттік мекемесінде Ұлы Отан соғысының 70 жылдығына орай салтанатты шара өтті.
Оған Ұлы Отан соғысының ардагері, 1942 жылдан 1947 жылға дейін 191 атқыштар дивизиясында соғысқан, 1924 жылы туылған Қорғанбай Елеуов ақсақал қатысты. Жиын соңында өрт сөндірушілер қарт жауынгерге шапан жауып, сый-сияпат жасады.
