Күні кеше Ташкенте өткен каратэ-додан Азия чемпионатында Оңтүстік Қазақстан облыстық жекпе-жек спорты шеберлігі мектебінің шәкірттері жүлдемен оралды. Бұл туралы ОҚО әкімінің баспасөз қызметі хабарлайды.
18 мемлекеттен 300-ден астам спортшы қатысқан чемпионатта Қазақстан құрамасынан 25 спортшы бағын сынады. Осы додада оңтүстікқазақстандық Алдияр Мелдеханов алтын медаль, өңір спортшылары екі күміс және екі қола медаль жеңіп алды.
Дүбірлі жарыста спорт шеберлері мектебінің шәкірттері қол жеткізген көрсеткіштер:
• Алдияр Мелдеханов (75 кг) ‒ І орын
• Репин Николай (84 кг) ‒ ІI орын
• Утепқалиева Динара (50 кг) ‒ ІI орын
• Степанец Александр (67 кг) ‒ ІII орын
• Утельбаева Мадина (61 кг) ‒ ІII орын
Жерлестеріміздің жеңісі құтты болсын! Жеңімпаздарымыз алдағы уақытта да осындай биік шыңдарды бағындырады деп сенеміз.
