Шымкенттегі ескі қалашықтың мәселесінде нүкте қойылды. Енді бұл жерде ашық аспан астындағы музей болады. Шымкент қаласының әкімдігі бүгін осылай деп хабарлады.
Арнайы бағдарламаның нәтижесінде бұл тарихи ескерткіш туристер мен сәулет және көненің көзіне қызығатын жандар үшін ерекше орынға айналмақ. Сәулетшілердің жоспарынша, алдымен осы маңдағы құрылыс мәселесі шешіледі.
Яғни, көне қалашық маңында соңғы ондаған жыл бойы салынған құрылыс нысандары сүріледі. Олардың орнына қорған-қабырға соғылмақ. Ол қалашықты кезінде қоршап тұрған қорғанға ұқсас етіп салынады. Бұл тұста құрылысшылар мен сәулетшілерге жергілікті тарихшылар, зерттеушілер мен өлкетанушылар көмекке келмек.
