Әлем нарығында алтын қымбаттады

45

Әлем нарығында алтын қымбаттап жатыр. Ол  1867 долларға сатылды. Сарапшылардың сөзінше, нарықтағы ойыншылар АҚШ федералдық қор жүйесінің баяндамасын күтіп отыр.

Ал Ұлттық банк мәліметіне сәйкес, Қазақстанда алтынның грамы бүгін 27 мың 793 теңгеге саудаланды. Қарашадан бері елде бағалы металл 3600 теңгеге қымбаттаған. Ал мұнай керісінше арзандап жатыр. Brent сұрыпты мұнай 79 долларға, WTІ 74 долларға саудаланды. Қара алтын шамамен 3 пайызға жуық арзандады.

Қытайда коронавирус жұқтырған адамдардың көбеюі салдарынан инвесторлар экономикалық белсенділік қайта төмендеуі мүмкін деп қауіптенеді. Бұл мұнайдың арзандауына әсер етіп жатыр.