Бүгін тыныштық күні. Сенат сайлауы ертең сенбі күні, 14 қаңтарға белгіленген. Саяси шара Шымкент қаласындағы Түркістан сарайы ғимаратында өтеді.
Қалалық аумақтық сайлау комиссиясының төрағасы Қайырбек Құнанбаевтың пайымдауынша, ертең сағат 10-да тіркеу, ал сағат 11-де таңдаушылар -қалалық мәслихаттың депутаттары дауыс береді. Шымкент қаласы бойынша сенатқа 3 кандидат тіркелген. Олар:
Бауыржан Әлтеев, 1955, Шымкент қалалық кәсіподақтар орталығының төрағасы, өзін-өзі ұсыну;
Альбина Елчиева, 1977, Шымкент қаласы мәслихатының аппараты, бюджет және экономикалық даму жөніндегі тұрақты комиссияның төрағасы, өзін-өзі ұсыну;
Нұрлан Бекназаров, 1964, Сенат депутаты, өзін-өзі ұсыну;
30 таңдаушы-Шымкент қалалық мәслихатының депутаттары сағат 11-де дауыс беру аяқталғаннан соң, хаттама түзіліп, ол Орталық сайлау комиссиясына жеткізіледі. Өз кезегінде Орталық сайлау комиссиясы 7 күнде сайлауды қорытындылайды.
Айта кететін жәйт, Сенатқа әр облыстан, республикалық маңызы бар қалалардан және Астанадан екі депутат сайланады, 10 депутатты Президент тағайындайды.
