Түркістан облысында су ортасындағы автокөлікте қалып қойған адамдар құтқарылды. Оларды Мыңбұлақ ауылына эвакуациялапты. Мұны Түркістан облыстық Төтенше жағдайлар департаменті хабарлады.
«Көліктегі адамдар эвакуацияланды. Көлік судан шығарылған жоқ. Адамдар Мыңбұлақ елдімекеніне жеткізілді», – делінген Түркістан облысы ТЖД баспасөз қызметінің өкілі Шыңғыс Сүлейменов таратқан хабарламада.
Бүгін, 2 ақпанда, мессенджерлерде ағысы қатты қар мен жаңбыр суының ортасында ақ түсті жеңіл автокөлік пен адамдар қалып қойғаны көрінетін видео тарады. Видеода адамдар көліктің төбесіне шығып отыр. Су жағасындағы адамдар оларды құтқаруға әрекет етіп жатыр.
