Адамдардың тапқырлығында шек жоқ екені сөзсіз. Белгілі болғандай, Шымкенттегі түрмелердің бірінде 25 жастағы жігіт түбінде «жасырын қоймасы» болған бал құйылған құмыраларды бермек болған, деп хабарлайды ОТЫРАР.
Мұндай құпиясы көп сәлемдемелер сирек емес. ІІД жазасын өтеп жатқан адамдарға арналған сәлемдемені кезекті тексеру кезінде қызметкер ер адамның күдікті мінез-құлқына назар аударған. Ол өзін өте жайбарақат ұстауға тырысқан, бірақ бал құйылған банкаларды тексеруге бергенде, ер адам қобалжи бастаған.
«Пластикалық құмыраны мұқият тексеру кезінде «жасырын қойма» табылды. Құмыраның ішіндегісін сбасқа ыдысқа құю туралы шешім қабылданды, содан кейін құмыраның екінші түбі бар екені белгілі болды. Біз оны аштық, онда 3 жаңа ұялы телефон және оларға арналған сим-карталар болды», – деді департаментте.
Пакетте сонымен қатар қос түбі бар екінші банка да болды. Жас жігіт барлығы 6 ұялы телефон мен 6 сим-картаны өткізбек болған. Тексеру алдында азамат міндеттемеге қол қойып, тыйым салынған заттарды беруге әрекет жасағаны үшін жауапкершілікке тартылатыны туралы хабарлама алған.
Бұған дейін олар дрон арқылы есірткіні Шымкент колониясына өткізбек болған, алайда жедел қызметкерлер заң бұзушылықтың алдын алған болатын.
