Түркістан облысында 9 жыл бойы халықаралық іздеуде жүрген Ресей азаматы ұсталды. Шетелдік «Құқықтық тәртіп» жедел-профилактикалық іс-шарасы аясында құрықталған.
Полиция хабарлауынша, халықаралық іздеуде жүрген 31 жастағы ер адамды Кентау қаласы полиция бөлімінің криминалдық полиция қызметкерлері пәтерлердің бірінен ұстаған. Күдікті уақытша ұстау изоляторына қамауға алынды. Оқиғаның барлық мән-жайы анықталуда. Қазіргі уақытта оны экстрадициялау мәселесі шешілуде.
Айта кетейік, күдікті деп танылған Ресей азаматына есірткіні заңсыз сақтау қылмысы үшін 2014 жылы іздеу жарияланған.
