Бүгін облыстық сотта жаңа судьяларды таныстыру жиыны өтті. Жаңа қызметке төрт судья тағайындалса, бір судья қызметінен босатылды.
Атап айтқанда, Батыс Қазақстан облысы Қазталов ауданы №2 аудандық сотының төрағасы Бүркіт Жұмабайұлы Байдолаев, Шымкент қаласы Абай аудандық сотының судьясы Алия Жүсіпәліқызы Бекпатша, Солтүстік Қазақстан облысы Аққайың аудандық сотының төрағасы Сайлаубай Полатұлы Мамырайымов және Астана қаласы сотының судьясы Әлия Имәнәліқызы Ташаева ендігі кезекте ОҚО сотында қызмет атқаратын болады.
Сондай-ақ, жиында еңбегі еленген сот қызметкерлері Алғыс хатпен марапатталды. Ал облыстық соттың азаматтық және әкімшілік істер жөніндегі аппеляциялық сот алқасының судьясы Мейірхан Әмірұлы Әміров қызметімен қош айтысты.
