Тәуелсіздікке тарту: Созақта жаңа 6 нысан ел игіліне берілді

Оңтүстік Қазақстан облысының Созақ ауданында ел тәуелсіздігінің 26 жылдығы мерекесіне орай жаңа 6 нысан ашылды. Жаңа нысандар жақсылықтың нышаны дейді жергілікті тұрғындар. Бұл туралы аудан әкімінің баспасөз қызметі хабарлады.

Мереке аясында аудан орталығы Шолаққорған ауылында тәуелсіздік саябағы салтанатты түрде ашылды. Екі гектардан астам жерді алып жатқан саябақта тәуелсіздікті айшықтайтын монумент пен 30 метрлік тұғырда көк байрақ ортанытылған. Мұнда отбасылық серуен жолы, су бұрқақтары мен жол айрықтар салынған. Саябақтың құрылыс жұмыстарын жүргізген «Аммар Проект» ЖШС құрылыс жұмыстарын жаз айында бастап, қарашада толық аяқтады.

Тәуелсіздікке тарту: Созақта жаңа 6 нысан ел игіліне берілді

Демалыс орнының ашылуына  қатысқан аудан әкімі Салыхан Полатов барша тұрғындарды тәуелсіздік мерекесімен құттықтап, ауданға көрік беретін саябақ созақтықтар мен қонақтар үшін саялы мекен болатынын атап өтті.

Тәуелсіздікке тарту: Созақта жаңа 6 нысан ел игіліне берілді

Сондай-ақ, мерекеге орай ауданда мемлекеттік-жекеменшік әріптестік аясында екі бірдей балабақша пайдалануға берілді. Шолаққорған ауылындағы жалпы алаңы 254 шаршы метрді құрайтын «Асыл-Ай» бөбекжай-балабақшасы 75 балаға шақталған. Ал Созақ ауыл округіндегі қос қабатты «Айдын» балабақшасы – 100 орынды. Мұнда балалар үшін барлық жағдай жасалған. Мекемеде медициналық кабинет, 4 ойын, 4 жатын бөлмесі мен акт залы бар. Балалар тамақтанатын асхана блогы мен шаруашылық бөлмесі жеке орналасқан.

Бүгінде ауданда 43 мектепке дейінгі білім беретін ұйым жұмыс істейді. Мемлекеттік «Балапан» бағдарламасының орындалуы 85 пайызды құрап отыр.

Тәуелсіздікке тарту: Созақта жаңа 6 нысан ел игіліне берілді

Осы күні бұқаралық спортты дамыту мақсатында аудандағы Шолаққорған, Тасты, Құмкент ауылдарында спорт алаңшалары ел игілігіне берілді. Жаңадан ашылған спорт нысандар  уран өндіретін «Инкай» ЖШС демеушілігімен салынды.