Қымбат шетелдік көлікті ұрлағандар қолға түсті

474

Шымкентте су жаңа қымбат шетелдік көлікті ұрлап кетті. Ұрылар көлікті дәмханалардың бірінің алдынан айдап кеткен. Тапа – тал түсте су жаңа көлігінен айырылып қалған азамат бірден полицияға шағымданған.

Тәртіп сақшылары миллион тұрғыны бар қаладан көлікті айдап кеткен күдіктілерді бірден қолға түсірген. Анықталғанындай, қымбат көлікті иемденбек болғандар Жамбыл облысының тұрғындары болып шыққан. Екеуі де бұрын сотты болған азаматтар екен.

Тіпті, бірі Жамбыл облысында пробациялық бақылауда жүргені анықталған. Екі күдікті де екі ай мерзімге қамауға алынды.

«Екеуінің де бұрын соттылығы болғандықтан кепіл мөлшері анықталмайды. Сондықтан да екі ай мерзімге күзетпен бұлтартпай ұстау шарасына санкция берілді»-дейді Шымкент қаласының мамандандырылған тергеу сотының судьясы Қамшыбек Анарбаев.

Жанар Есенбекова