Жуырда түнгі сағат 00.15 шамасында Шымкент қ. ПД-нің «102» номеріне белгісіз азамат «мен теракт ұйымдастырамын» деп хабарлаған.
Оқиға орнына келіп жеткен Шымкент қаласы ПД Экстремизмге қарсы іс-қимыл басқармасының қызметкерлері жедел-іздестіру іс-шараларын жүргізу барысында телефон шалған күдікті азаматты дер кезінде анықтап, ұстады. Ол Шымкент қаласы Тассай елдімекенінің тұрғыны екен.
Аталған жайт бойынша ҚР ҚК-нің 273 бабы «Терроризм актiсi туралы көрiнеу жалған хабарлау» бойынша сотқа дейінгі тергеу амалдары жүргізілуде.
