Туған елге оралып, төлқұжат алған ана алғыс айтты

300

Алибекова Гульнар Жолдасовна Тәжікстан Республикасынан Қазақстанға көшіп келген. Сондықтан Тәжікстан елінің тіркеуінен шығып, тарихи отаны Қазақстан Республикасы Түркістан қаласына уақытша тіркеуге тұруға құжаттарын тапсыруға Түркістан қаласындағы көші-қон қызметі бөлімінің орталығына келеді.

Жанға жайлы, қолайлы, барлық қажетті мамандар бір жерде шоғырланған орталықтың қызметкерлеріне және көрсеткен қызметіне риза болған қандасымыз «Елге оралып қуанып жатырмын. Оның ішінде ҚР-ның азаматтығын тез әрі оңай жолмен алдым. Көші-қон қызметкерлеріне алғысым шексіз. Белгілі мерзімде, ары-бері сандалтпай, құжатымды жасап берді. ҚР-ның азаматы деген төлқұжатыма қайта–қайта қарап, қуанып отырмын»-деп жүрекжарды сөздерін жеткізді.

Тұрғындармен ашық қарым-қатынас орнатып, алғыс алған полицейлердің жұмысына бізде сәттілік тілейміз. Бұл дегеніміз – елдің қауіпсіздігі мен тыныштығына жауап беретін полицейлердің еңбегінің жемісі деп білеміз!

 

QAINAR KÓZ ТО ПД-нің баспасөз қызметі