ЭЦҚ-ны шетелде жүріп-ақ алуға болады

55

Егер бұрын шетелде жүріп ЭЦҚ алу мүмкін болмаса, енді елден тыс жерде тұратын Қазақстан азаматтары ЭЦҚ-ны алу үшін елшілікке немесе консулдыққа жүгіне алады.

Ол үшін сізге:

– компьютерге NCALayer бағдарламасын орнатыңыз

– www.pki.gov.kz порталында «жеке тұлғалар үшін ЭЦҚ» алуға өтінім беру
– жеке ЖСН нөмірін енгізіп, тиісті жолдарды толтыру қажет.

Бұдан кейін консулдыққа барып, сайтта өтініш берген соң қалыптастырылған анықтама мен жеке куәлікті ұсыну қажет. Лауазымды тұлға ақпараттық жүйеде өтінімді растаған соң өтініш жасаған компьютерден www.pki.gov.kz порталында шығарылған сертификаттарды (ЭЦҚ) жүктеп алуға болады.

Бүгінгі таңда бұл қызмет Абу-Даби, Бішкек, Вашингтон, Мәскеу, Нью-Йорк, Прага, Санкт-Петербург, Сеул, Ыстамбұл және Майндағы Франкфурт қалаларында орналасқан 10 дипломатиялық өкілдікте қолжетімді.

Айта кету керек, қазіргі таңда қызметтердің 93,4% – дан астамы egov.kz порталында қолжетімді. Ол мемлекеттік қызметтерді қазақстандықтар өз бетінше үйден немесе офистен шыкпай-ақ ала алады. Ол үшін ЭЦҚ электрондық-цифрлық қолтаңбасы болу қажет.