23 күнде 16 мыңнан астам көлік жүргізуші жауапқа тартылды

51

Қаламызда 12 қазаннан бері 23 күн ішінде көлік жүргізушілерінің қатысуымен жасалған 16105 әкімшілік құқық бұзушылық анықталды. Оның 950-і мемлекеттік белгілері шетелдік көлік жүргізушілермен жасалса, 98 автокөлік арнайы автотұраққа қойылған.

Ал техникалық байқаудан өтпеген – 66, ұялы телефон пайдаланған – 22, бағдаршамның тыйым салынған белгісіне өткен – 17 тұлғаға хаттама толтырылды.

Сонымен қатар, қозғалыста жаяу жүргіншіге жол бермеген – 5, қауіпсіздік белдігін тақпау бойынша – 67, апаттық жағдай туындатқан – 3, көлік құралын мас күйде басқарған – 2, тиісті құжатсыз басқарған – 37 жол бетін ластаған – 145 жүргізуші анықталған.

Өзге де құқық бұзушылық бойынша – 432 жүргізушіге әкімшілік хаттама толтырылды. Айта кетейік, іс-шара ағымдағы жылдың 10-қарашасына дейін жалғасады.

Жанерке Хумар