Биылғы жылдың тамыз айының қорытындысы бойынша Қазақстанда бір жылда таксимен жүру құны 9%-ға қымбаттады, деп хабарлады ranking.kz Ұлттық статистика бюросының деректеріне сілтеме жасап.
Жетісу облысында баға басқа өңірлердің бәрінен қатты қымбаттаған: бір жылда 37,7 пайызға өсті.Антирейтингідегі екінші және үшінші орынды Алматы және Абай облыстары иеленді. Ең аз жылдық баға өсімі Ақмола облысында тіркелді: мұнда бар-жоғы 0,5 пайызға өскен. Ал Ақтөбе, Қарағанды, Ұлытау және Түркістан облыстарында баға бір жыл бұрынғы деңгейде қалды.
