2023 жылдың 10-сәуірінде Әл-Фараби АПБ-ның «102» нөміріне Шымкент қаласының тұрғыны арызданған. Ол өз арызында, бейтаныс азамат сеніміне кіру арқылы өзінің жер телімі бар екендігін және оны сататындығы туралы жалған сөздер айтып, 700 000 (жеті жүз мың) теңгесін иемденіп алып, қазіргі уақытқа дейін жер телімін бермей не ақшасын қайтармай жүргендігін көрсеткен.
Әл-Фараби АПБ КПБ қызметкерлерінің жедел іздестіру іс-шараларын жүргізу барысында жергілікті жердің тұрғыны анықталып, жеткізілген.
Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.
Аталған факт Қазақстан Республикасы Қылмыстық Кодексінің 190-бабының 1-бөлігімен (алаяқтық) сотқа дейінгі тергеп-тексерулердің бірыңғай тізіліміне тіркелді.
Өз кезегінде, Шымкент қаласының полицейлері алаяқтық жайты орын алмас үшін танымайтын бөгде адамдарға ақша бермеуге шақырады.
