Индустрия және инфрақұрылымдық даму министрі Марат Қарабаев төрт пайыздық автокредит бойынша қазақстандықтар бастапқы жарна төлейтінін хабарлады.
Үкімет кулуарында министр жеңілдетілген автокредитке қатысты бірқатар өзгерісті жария етті. Үкімет автонесие жүйесін қайта қарап жатыр. Біріншісі, төрт пайыздық несиемен автокөлік алған қазақстандықтардың аты-жөні көпшілікке жарияланады.
«Екіншісі, осы уақытқа дейін көлікке бастапқы жарна төлеу қажет емес еді. Оны қайтарамыз ба деп отырмыз. Яғни, он пайызға дейін бастапқы жарна төлеу керек деген тетік енгізіледі», – деді Қарабаев үкімет отырысында.
