Бүгін аудан әкімі Арман Айдарұлы «Жібек жолы» кеден бекеті аумағындағы заңсыздықтарды жою және абаттандыру мәселелері бойынша аудан прокуроры Нұрлан Алдабергенов, аудандық полиция бөлімінің басшысы Амангелді Бурхановтармен бірге арнайы барды.
Аралау барысында Жібек жолы ауылдық округінің әкімі А.Сейтжаппаров пен ауданның тұрғын үй-коммуналдық шаруашылық бөлімінің басшысы М.Байгабуловқа кеден бекеті аумағындағы заңсыздықтарды жою бойынша арнайы тапсырмалар берді.
Атап айтқанда,
— ретсіз салынған дүңгіршектерді заманауи үлгідегі дүңгіршектерге ауыстыру;
— кеден бекеті маңындағы 2 автотұрақты сенімгерлік басқару арқылы кәсіпкерлерге беру; — кеден бекетінің маңына абаттандыру жұмыстарын жүргізу.
Қазақстанның қақпасы саналатын Жібек жолы кеден бекеті аумағындағы абаттандыру жұмыстары аудан әкімдігінің бақылауында болады.
