Қандай жағдайда ата-ана құқығынан айырылады? Редакция заңгері Венера Нұрғалиқызы ата-ана қандай кезде өз құқығынан айырылуы мүмкін екенін түсіндіріп берді.
- Егер ата-ана баланың алдындағы міндеттерді орындамай жалтарса немесе алимент төлемесе;
- Өз баласынан перзентханада бас тартса;
- Ата-ана ретіндегі құқықтарын балаға қатысты теріс пайдаланса;
- Балаға қатыгездік көрсетсе, психикасына зорлық жасаса немесе жыныстық тиіспеушілігіне қастандық жасаса;
- Есірткіге, спирттік ішімдіке, құмар ойындарға, бәс тігуге әуес болса, ата-ана құқығынан сөзсіз айырылады.
Ескере кететін жайт, ата-ана құқығынан айыру сот тәртібімен жүзеге асырылады және ол құқықтан айырылса да, алимент төлеуден босатылмайтынын білгеніңіз жөн.
