Шымкентте тағы бір заманауи үлгідегі көпқабатты тұрғын үй пайдалануға берілді. Астаналық Tumar Group құрылыс компаниясы бизнес-класстағы жаңа Tumar Tower Shymkent тұрғын үй кешеніндегі пәтер иелеріне баспана кілтін салтанатты түрде табыстады.
Салтанатты атмосфера мен әрбір қонаққа ерекше көңіл бөлу алғашқы қадамнан бастап жайлылық пен жылулық сезімін ұялатады. Себебі бұл, клубтық үй стилінде салынған 17 қабатты ерекше тұрғын үй кешені — Tumar Tower Shymkent. Барлығы 86 пәтер! Яғни зәулім тұрғын үй, болашақ тұрғындарға жоғары деңгейде жайлылық сыйлап, қауіпсіздікті қамтамасыз ететін, сәнді әрі сапалы 86 пәтерді қамтиды.
Алмаз Белсенді, Шымкенттегі Tumar Group жобасының жетекшісі: «Біздің негізгі мақсат — тек ғимараттар салу емес, жайлы өмір сүруге толыққанды жағдай жасау, мұнда жайлылық пен қауіпсіздік бірінші орынға қойылған. Біз тек сапалы материалдарды қолданамыз және қауіпсіздіктің барлық аспектілеріне, соның ішінде сейсмикалық төзімділікке ерекше көңіл бөлеміз».
Мұнда кешеннің әр бөлігіне дейін ерекше назар аударылған. Аулада — заманауи балалар ойын алаңы бар. Жаңа стильде жасалған балалар ауласының жабық болуы ата-аналарға кішкентайлардың қауіпсіздігі туралы алаңдамауға мүмкіндік береді. Ал мерекелік көңіл-күй ұзақ уақыт сақталуы үшін аулада барлық қонақтарды фуршет күтіп тұрды, ал жанды дауыста орындалған әуендер кештің сәнін одан әрмен көркейткен секілді.
Қай жерді алып қараса да— ол аула ма, подъезд бе — бәрі бір стильде және жоғары талғаммен жасалған. Сіз бұл жерден тіпті фитнес бөлмесін де таба аласыз.
Бүгінгі бақытты жандардың бірі — зейнеткер Бақтияр Сары мырза. Ол жаңа пәтерін қарап жүріп, бұл үйде кім тұрады — жастар ма, әлде қарттар ма, оны отбасылық кеңесте шешеміз деп жымиды.
Бақтияр Сары, зейнеткер: «Tumar Tower тұрғын үй кешені арқылы 17 қатарлы үй салынған екен. Отбасымызбен ақылдасып осы жерден алайық деп шештік. Келіп бүгін ашылуына қатысып отырмыз. Жақсы ұйымдастырып жатыр екен. Барлық қалаларда осындай ұйымдастырулар болса өте жақсы. Бұл еліміздің көңілінен шығады деп ойлаймын. Сатып алған пәтеріміз 67 квадрат жайлы алаң. Өте кең. Ас үйі өз алдына қосқан кезде барлығы 3 бөлме болады. Жақсы деп ұйғарып осыны алдық»
Дизайнерлік талғаммен жасалған көлік тұрағы – бұл жаңа қауіпсіздік жүйелері. Неге десеңіз, онда бейнебақылау және IP- домофондар, алғашқы қадамдардан-ақ жайлылықты қамтамасыз етеді.
Tumar Tower Shymkent — компанияның қаладағы флагмандық жобасы. Бірақ құрылысшы мұнымен тоқтамайды: жоспарында тағы бір бизнес-классты тұрғын үй кешені — Beibarys Residence бар.Tumar Group — бұл тек тұрғын үй емес, әрбір бөлшегі сіздің жайлылығыңыз үшін ойластырылған кеңістік.
Шұғыла Ерментай
