Оңтүстік халқы «Алтын адамды» тамашалады

Оңтүстік Қазақстан облысының ұрғындары «Алтын адам» жәдігерін тамашалады. Облыстық бейнелеу өнері музейінде Қазақстанның ұлттық музейінің бастауымен тәуелсіздіктің 25 жылдығына орай «Ұлттық музей — сенің қалаңда» мәдени туры өтті.

Оңтүстік халқы "Алтын адамды" тамашалады

Көрме ашылғаннан бастап қазіргі уақытқа дейін мыңнан астам келушінің көз қуанышына айналған «Алтын адам» жәдігерін тамашалаушылар саны сағат сайын көбейді. Мәдени саяхат осы уақытқа дейін Орал, Ақтөбе, Атырау, Ақтау қалаларында ұйымдастырылды. Тың жобаға қызығушылық танытқандар қатары көп.

Оңтүстік халқы "Алтын адамды" тамашалады

Мәдени саяхаттың бір маңызды тұсы — Қазақстан Республикасының брендіне айналған «Алтын адам» жәдігері барлық облыстар мен қалаларды аралайды. Ауқымды турдың басты ерекшелігі — тек музей төрінде ғана тұратын бағалы мұрамен өзге өңір тұрғындарының да жақынырақ танысып, түсініп, зерделеуіне жол ашу.

Оңтүстік халқы "Алтын адамды" тамашалады

Іс-шара барысында көрермен қауым назарына «Ұлттық музейге саяхат» атты бейнеролик ұсынылды. Шараға зиялы қауым өкілдері, музей ісінің мамандары, белгілі қала мен облысқа қатысты тұлғалар қатысып, өз ойларымен бөлісті. Аталмыш іргелі жоба еліміздің барлық аймағын қамтымақ.

Оңтүстік халқы "Алтын адамды" тамашалады

«Алтын адам» үш бөліктен тұрады: бас киімі, кеуде киімі, төменгі бөлігі. Әшекейлер барыс, бұлан, таутеке, арқар, ат, түрлі құс бейнелерін беретін «аң стилінде» жасалған. Бас киімі кейінгі қазақ киімі үлгілеріне ұқсас, биік, шошақ төбелі, ұзындығы 70 см шамасында. Мойнында дөңгелек жүзік сияқты алтын алқа, іш көйлегі, көкірегінің тұсы, жеңі алтын тоғалармен өрнектелген, камзолы құрастырмалы ауыр белбеумен буылған.

Белбеуге аңға үқсас бейнелер 16 тоға жапсырылған, оң жағында қызыл қынапты ұзын семсер, сол жағында алтын пластиналар жапсырылған қынға салынған темір қанжар-ақинақ бар. Шалбарының балағы да алтын тоғалармен әшекейленген.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР