Шымкенттің «Локомотив» стадионы желтоқсанның біріне жабылады. Алаң демалып, көктемге дейін шөптің өсуіне стадион қожайындары ықпал жасайды. Жөндеу жұмыстары да жүргізіледі. Сол себепті көктемге дейін бұл стадионда жарыс өтпейді.
Ал 1999 жылы дүниеге келген футболшылар арасындағы Республикалық турнир биылдыққа соңғы дода. Жарыс барысында сегіз команданың аяқдопшылары бес күн бойында ептілерді анықтады. Нәтижесінде, облыстық футбол мектебінің шәкірттері ақтық сында қызылордалықтардан басым болды. Алтын медаль оңтүстік қоржынына салынды. Алғашқы үштікті Бекзат Саттарханов атындағы дарынды балаларға арналған спорт интернатының футболшылары қорытындылады.
