Еліміздің бірқатар аумағында дауылды ескерту жарияланды. «Қазгидромет» мамандарының хабарлауынша, 9-10 ақпанда Жамбыл, Оңтүстік Қазақстан облыстарында жауын-шашын болып, соңы қарға айналады. Кей жерлерде бұрқасын, тұман, көктайғақ болады.
![дауылды ескерту](https://kz.otyrar.kz/wp-content/uploads/2016/02/003-13-350x219.jpg)
Солтүстік-батыстан соғатын жел солтүстік-шығысқа ауысады, ауаның температурасы — 2 градусқа төмендеп, аяз болады. Кей жерлерде 8 градус аязға төмендеуі күтіледі.
10 ақпанда Алматы облысында жауын-шашын күтіледі. 10-11 ақпанда таулы аудандарда қатты жауады. Төтенше жағдай қызметкерлері елде бірнеше бағыттық жолдың жабық екенін хабарлады. Ауа райының нашарлауына байланысты облыстық маңызы бар Чарск-Бақыршық және Воскресеновка-Петропавловка жолында қатынас тоқтатылған. Сондай-ақ, Алматы-Өскемен тасжолында тіркеме және жартылай тіркемемен өтетін ауыр жүк көліктеріне қозғалыс жабық.