Оңтүстіктің спорт қоржынына Рио Олимпиадасына тағы бір лицензия салынды. Пермаммад Алиев батутта секіруден тиісті нормативті орындап, әлемдік рейтингте үздік спортшылардың қатарынан көрінді.
Жолдама ойнатылған дода Бразилияда өткен болатын. 19 жасар жерлесіміздің бұл алғашқы Олимпиадасы болып саналады.
Пермаммад – Қазақстан чемпионаттарының бірнеше дүркін чемпионы, әлем чемпионатында екі рет жеңіс тұғырына көтерілген. 2012 жылы жастар арасында құрлық біріншілігінде жүлделі болған.
