Қарағандыда үстел теннисі орталығында Қазақстан Чемпионаты өтуде. Аптаның үшінші күні чемпиондар мен командалық есепте жүлдегерлер анықталды.

Ерлер арасында 15 команда ішінде, қола жүлдені Шымкент пен Шығыс Қазақстан облысының спортшылары жеңіп алды. Біздің жігіттерді жарысқа жаттықтырушылар Нұрлан мен Ердәулет Оразбаевтар, Мирякуб Мирасланов дайындады.

Қарағандының ерлер командасы 2-ші орынды жеңіп, күміс жүлдегер атанса, бірінші орынды  Батыс Қазақстан облысының спортшылары иеленді.

Естеріңізге сала кетейік,  шымкенттік қыздар  құрамасы  Қазақстан Чемпионатының  қола жүлдегері  атанған еді.

Чемпионат ары қарай жекелей есепте, ерлер мен қыздар жұптық есепте және аралас жұптық есепте жалғасады. Үстел теннисінен Қазақстан Чемпионаты 17-ші қаңтарда  мәресіне  жетеді.

Шынар Оразова