Білім және ғылым министрлігі баспасөз қызметінің хабарлауынша, елімізде мектеп оқушыларының көктемгі демалысы 12 күнге созылады. Демалыс 20-31 наурыз аралығында болады. Сабақ 1 сәуірде басталады.

Еске сала кетсек, еліміздің бас санитарлық дәрігері Ерлан Қиясовтың жаңа қаулысына сәйкес, оқу жылының 3-тоқсанынан бастап бітіруші сыныптар (9, 11, 12 сыныптар) санитарлық-эпидемиологиялық талаптарды сақтай отырып, аралас оқыту (пәндердің 70 пайызы – дәстүрлі форматта, 30 пайызы – қашықтан) форматына көшірілген болатын.

Сондай-ақ 1 наурыздан бастап жалпы білім беретін мектептерде мектепалды сыныптар, 1 сыныптан 5 сыныпқа дейін (сыныптарда бала саны 25-ке дейін) оқушыларды аралас форматта оқытуға рұқсат берілді.