Шымкент қаласы  тұрғындарының арасында  мал ұстайтын көршілеріне нарызылар жеткілікті. Әсіресе, күн ысығаннан бері арызданушылар қатары да көбейеді.

«Жеке секторда тұратын азаматтарға неше мал басын ұстауға рұқсат?»-деген сауалды  қалалық ауыл шаруашылығы және ветеринария басқармасы басшысы Асқар Қаныбековке қойған болатынбыз.

«Қала аумағында мал ұстауға шектеу жоқ, алайда тұрғындар талаптарды орындауы тиіс, ол төмендегідей:

1 ешкіге          11.7   шаршы/метр

1қойға            11,6    ш.м.

1 сиырға        30,1   ш.м.

1 жылқыға     38      ш.м.

қорасында орын болуы шарт»,- дейді басқарма басшысы.

Санитарлық талаптарды орындамаған мал ұстайтын азаматтарға қатысты шағымдарыңыз болса, қала  әкімдігіне жолдаңыз. Арызыңыз бойынша ветеринария инспекциясы шара көреді.

Шынар Оразова