2021 жылғы 12 тамыздағы жағдай бойынша Қазақстан өңірлеріндегі эпидемиологиялық ахуалды бағалау матрицасы жарияланды, деп хабарлайды ҚазАқпарат.
Оған сәйкес, коронавирус бойынша 16 өңір — «қызыл», 1 өңір «сары» аймақта орналасқан. «Қызыл» аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан және Шығыс Қазақстан облыстары. «Сары» аймақта: Түркістан облысы. Айта кетейік, 11 тамыз күні Түркістан облысы «қызыл» аймаққа өткен болатын.
