Түркістан облысында суға батып кеткен екі шетелдік студенттің денесін іздестіру жұмыстары жүргізілуде, деп хабарлайды ОТЫРАР. Қайғылы оқиға 26 маусым күні кешкі уақытта болған. Оңтүстік Қазақстан медицина академиясының шетелдік студенттері Ақсу-Жабағылы қорығына демалуға келген. Суға түскен екі жігітті ұйық тартып кеткен.
⠀
«Төлеби ауданына қарасты Ханарық ауылынан 5 шақырым жерде Ақсу шатқалында екі шетелдік жігіт суға батып кетті деген хабарлама келіп түсті. 2001 ж.т. 2 студентті іздестірілуде. 16:49-да белгісіз жағдайда олар суға құлап, батып кеткен. Іздестіру-құтқару жұмыстарына Төтенше жағдайлар департаментінің 19 қызметкері мен 1 жүзу құралы жұмылдырылды», деп хабарлайды Түркістан облыстық Төтенше жағдайлар департаменті.
Алдын ала белгілі болғанындай, мұнда 21 адам келген, олардың барлығы Үндістан азаматтары, оның ішінде Оңтүстік Қазақстан медицина академиясының 1 курсында оқитын 20 және 4 курс студенттері бар.
Суға кеткендердің денесі әлі табылған жоқ.
