Қазақстандық музыканттар «Жас таланттар» дүниежүзілік өнер фестивалінде топ жарды. АҚШ-та өткен сайысқа 9 бен 15 жас аралығындағы оқушылар қатысқан.
Солардың ішінен қазақ жастары көрермендерді өнерімен тәнті етіп, жүлделі орындарға ие болды. Сонымен қатар олар АҚШ астанасында Тәуелсіздік күніне арналған арнайы концерт берді. Бұдан бөлек, Күләш Байсейітова атындағы музыкалық мектептің оқушылары Американың алты штатынан келген студенттерімен бірлесіп өнер көрсетті.
Мақсат-жас таланттарды таныту, тәжірибе алмасу. Кеште қазақтандық жас скрипкашылар Абайдың «Көзімнің қарасы» секілді бірқатар қазақ классикалық музыка туындыларын орындады.
