Әскери ұшқыш- қауіпті әрі қиын мамандық. Шымкенттегі әуе базасында ондаған ұшқыш тәулік бойы шекараны күзетеді. Ал әскери жауынгерлер мен тікұшақтар шекаралық аймақтарда күнделікті әуеге көтеріледі.
Ұшқыштар әулетін жалғап келе жатқан Олжас Сахи Шымкент әуе базасында бір жылдан бері жұмыс істеп келеді. Мұндай жандар ұшқыш болып туылған әу баста. Мәселен, Олжас бала күнінен аспанды бағындырып, Отан қорғауды армандаған екен.
Олжас Сахи, әскери ұшқыш: «Мен Ақтөбеде институтты бітірдім. Бала кезімнен ұшқыш болғым келетінін білдім. Мен бұл мамандық туралы көп оқыдым, өкінбеймін. Отан игілігі үшін қызмет етемін».
Бұл мамандық биіктікті жақсы көретін азаматтарға арналған. Әскери ұшқыш ұшақты кәсіби түрде басқара алуы тиіс. Онымен қоса денсаулығы мен психологиялық саулығы да мықты болуы қажет дейді мамандар.
Шымкент әуебазасы еліміздегі ең заманауи базалардың бірі, мұнда реактивті ұшақтар, истребительдер және басқа да техникалар бар. Әскери ұшқыштар кез келген ауа-райында жұмыс істейді — жаңбыр, қатты жел немесе қалың бұлт болса да. Әскерилер тұрғындардың ұйқысы тыныш болуын қамтамасыз етеді. Көбінесе ұшқыштардың кәсібилігі мен байсалдылығы оқыс оқиғалардың алдын алады.
Әскери ұшқыш мамандығы – мәртебелі де құрметті сала. Ол адамнан батылдықты, жанқиярлықты және, әрине, аспанға деген зор сүйіспеншілікті талап етеді. Шымкенттегі авиабазаның әскери ұшқыштары жауынгерлік дайындық пен әскери тәртіпті нығайтуда тамаша нәтижелер көрсетуде.
МиГ-29 жойғыштары мен Су-25 шабуылдаушы ұшақтарындағы авиабазаның ұшқыштары ұшу экипаждарының жарыстарында жетекші орындарды иеленген.
