2023 жылға арналған республикалық бюджетті нақтылау аясында әлеуметтік саланың шығысын 298 млрд теңгеге ұлғайту жоспарланып отыр. Сенаттың жалпы отырысында «2023 жылға арналған республикалық бюджетті нақтылау туралы» заң жобасы қаралды.
«Республикалық бюджеттің шығысы 22,5 трлн теңге көлемінде жоспарланып отыр. Жалпы шығыстың қосымша ұлғаюы 2,2 трлн теңгені құрады және келесі басым бағыттарды қамтиды», — деді премьер-министрдің орынбасары – қаржы министрі Ерұлан Жамаубаев.
Баспана сатып алу үшін қарыздар мен тұрғын үй жинақ салымдары бойынша сыйлықақы беруге 92 млрд теңге көзделеді.Сонымен қатар, басқа да бірқатар маңызды міндеттемелерді іске асыруға 186 млрд теңге бағытталады.
