Түркістан облысында марокко шегірткесіне қарсы күрес қызу жүріп жатыр. Бұл туралы Агроөнеркәсіптік кешендегі мемлекеттік инспекция комитетінің Түркістан облыстық аумақтық инспекциясының басшысы Ибрагим Бегасилов мәлім етті. Сөзінше, қазір күніне 3500-4000 гектар алқапта химиялық өңдеу жұмыстары жүргізілуде. Оған 26 жерүсті бүріккіш техникасы мен 1 АН-2 жеңіл ұшағы жұмылдырылған.
Жалпы өңірдегі марокко шегірткесінің қоныстанған аумағы 90 000 гектар. Оның 48000 гектарында экономикалық зиянды шегінен асқаны анықталды.
Айта кетейік, фитосанитариялық іс-шаралар өңірдегі 10 ауданның 53 ауыл округінде жүргізіліп жатыр.
