Жеке табыс салығының прогрессивті шкаласы енгізілуі мүмкін

 Әлібек Қуантыров, Ұлттық экономика министрі: «Біз жылына 40-50 миллион теңгеден астам табыс табатын жеке тұлғаларға прогрессивті жеке табыс салығын енгізуді қарастырып жатырмыз. Сондай-ақ пассивті кіріске, яғни депозиттерге, бағалы қағаздарға да прогрессивті шкаланы қолдануды көздеп отырмыз».

Жеке табыс салығының прогрессивті шкаласы дегеніміз – табыстың мөлшеріне қарай өзгеретін салық ставкасы. Яғни, прогрессивті шкаланың мағынасы – айлығы төмен азаматтар салықты аз төлесе, ал жалақысы көп азаматтар үшін салық мөлшері ұлғаяды.

Қазіргі таңда қазақстандықтар өз жалақысынан 10% жеке табыс салығын төлейді.