Көктайғақ салдарынан Шымкенттегі Ташкент тасжолында жол көлік апаты орын алды. Қалаға кіре беріс жерде бір мезетте 5 автокөлік соқтығысқан. Алдын ала берілген ақпар бойынша барлығы көліктегі адамнның барлығы аман-есен.
Көктайғақтың салдарынан БМВ автокөлігінің жүргізушісі көлігін игере алмай, екінші жолға шығып кеткен. Жүргізуші барынша тырысқанымен көлікті игере алмаған.
БМВ көлігінің жүргізушісі: «Олар мені кінәлі қылып қоймақшы. Менің бұған еш қатысым жоқ. Олардың өздері шеше алмады».
«Фольксваген-Джета» БМВ-ге соқпас үшін тоқтап қалған. Бірақ мұз жол тағы да 3 көліктің соқтығысуына әкеліп соқты. Олар 2 Ауди мен Опель көліктері. Жол апатына ұшырағандар бұған БМВ көлігінің жүргізушісі кінәлі деп отыр.
«Фольксваген-Джета» көлігінің жүргізушісі: «Ол басқалары айналып өту үшін бір белгі қойып қоюы керек еді».
Оқиға орнына жол полициясының қызметкерлері келді. Мамандар оқиғаның мән жайын анықтайтын болады.
