ОҚО аумақтық сайлау комиссиясы облыс әкімдігінің бірінші ғимаратына көшті. Желтоқсанның 12-не облыс мәслихатына 123 үміткер, қалалық мәслихатқа -149, аудандық мәслихатқа 421 үміткер тіркелді.
Қазірдің өзінде бір орынға екі, үш үміткерден келіп тұр дейді төраға. Үміткерлерді тіркеу жұмыстары 20-желтоқсанға дейін жалғасады. 21-нен бастап үгіт-насихат жұмыстары бастауын алады. Қазір сайлаушылардың тізімі пысықталып жатыр.
Бір айда сайлаушылар саны 15 мыңға артқан. Оның қаншалықты шындыққа жанасатынын комиссия анықтайды. Қаңтардың 15-не әрбір қазақстандық азамат өз таңдауын жасайды. Үш бюллетень бойынша сайлаушылар облыстық, қалалық, аудандық мәслихатқа халық қалаулыларын сайлайды.
