«Таңшолпан» мәресіне жетті. Шымкенттіктер қалалық «Таңшолпан» бишілер байқауын Ж.Шанин атындағы қазақ драма театрында өткізді. Аталған сайысқа Шымкент қаласы әкімдігі мұрындық болды. Басты мақсат – танылмаған таланттарды көпшілікке кеңінен насихаттау.
2006 жылдан бері қолға алынбай келген шара биыл жалғасын тапты. 26-мамырға дейін іріктеуден өткен 28 үміткер дайындығын пысықтап, өнердің ең нәзік түрінен сынға түсті. Сондай-ақ, сайысқа 6-22 жас арлығындағы бишілер атсалысты. Анығырақ айтсақ, балабақшадағы балалардан бастап, жоғарғы оқу орнының студенттері қатысуға мүмкіндік алды. Ереже бойынша, 3 топ сынға түсті. Кіші топ, орта және жасөспірімдер тобы. Ал жалпы байқаудың шарты 2 кезеңді қамтыды. 1-сінде қазақтың ұлттық биін билеу керек болса, екінші айналымда — би топтары өздерінің қалаған билерін биледі. Қазылар алқасының төрайымы болып Балжан Сейдраманқызы Тілеубаева сайланды.
Балжан Тілеубаева, қазылар алқасының төрайымы: «Әрине, бишілердің барлығы да белсенділік танытты. Десе де “жеңіс бар жерде, жеңіліс те бар” демей ме, сондықтан “жүзден жүйрік, мыңнан тұлпар” болып танылған би топтары өздері-ақ өзгедлерден оқ бойы озық тұрып, суырылып шығып жатты. Мұны жалғыз біз – би мамандары емес, қала тұрғындары да анық аңғарды деп ойлаймын. Айта кететін жәйт немесе жетекшілерге ескертпе десем де болады, ешуақытта сайыстың талабынан аттап кетуге болмайды. Мәселен, 1-кезеңде міндетті түрде қазақтың ұлттық биін билеуі шарт болса, кей би топтары шығыс биін биледі. Сондықтан біз ол үміткерлерді байқаудан шет қалдыруымызға тура келді. Ал жалпы бишілерге тағар мінім жоқ, барлығы өз дәрежесінде, сауатты мәнерлеп биеп, “Шәмші аллеясын” шаттыққа бөледі».
“Армандастар” би ансамблі, 1-орын иегері: «Біз өте қуанып отырмыз. Бұл – біздің талмай-тынбай дайындығымыздың жемісі деп білеміз. Енді осы жеңіспен тоқталып қалмай, бұдан да биік белестерді бағындырамыз деп мақсат қоюдамыз. Бастысы, біз шымкенттіктерге – жерлестерімізге талантымызды таныта алдық!»
Сонымен байқаудың соңғы марапттау рәсімі «Шәмші әлемі» гүлзарында өтті. Нәтижесі қазылар алқасының бағалауымен қорытындыланды:
“Көрермендер көзайымы” арнайы жүлде:
Кіші топ бойынша — “Балдәурен” би тобы. (№65 “Балбұлақ” балабақшасы, жетекшісі – Мереке Жанаділова).
Орта топ бойынша — “Нұр-ай” би ансамблі. (Т.Тәжібаев атындағы №47 мектеп-гимназиясы, жетекшісі – Шахноза Назарова).
Шара Жиенқұлова атындағы арнайы жүлде:
“Қуаныш” би ансамблі. №23 Зоя Космедемьянская атындағы мектеп-лицей, жетекшісі – Нұрлан Жұбаниязов).
“Бұраң бел” аталымының иегері — “Балдәурен” би ансамблі. (Тұрар Рысқұлов атындағы №25 мектеп, жетекшісі – Гауһар Құрманова).
“Ерке сылқым” аталымының иегері — “Ақмаржан” би ансамблі. (Валентина Терешкова атындағы №31 жалпы орта мектеп, жетекшісі – София Аблаева).
“Таңшолпан” аталымының иегері — “Балдәурен” би ансамблі. (Циоковский атындағы №84 жалпы орта мектеп, жетекшісі – Құралай Идрисова).
“Үкілі үміт” аталымының иегері — “Жұлдыз” би ансамблі. №88 жалпы орта мектеп, жетекшісі – Тұмар Пейсенова).
“Шұғыла” аталымының иегері — “Ерке сылқым” би ансамблі. (М.Әуезов атындағы ОҚМУ-дің колледжі).
3-орын:
Кіші топ бойынша — “Ақжелкен” би тобы (№21 “Ертарғын” балабақшасы, жетекшісі – Роза Аралбаева).
Орта топ бойынша — “Настроение” би ансамблі. (А.Макаренко атындағы №41 лицей мектебі, жетекшісі – Кондратева Юлия Сергевна).
“Мәншүк” би ансамблі. (Мәншүк Мәметова атындағы №35 жалпы орта мекеп. Жетекшісі – Ескараева Перизат Амантайқызы).
Жоғарғы топ бойынша — “Тұран” би ансамблі. (Академиялық инновациялық университет, жетекшісі – Урлаим Анартаева).
2-орын:
Кіші топ бойынша — “Шашу” би тобы. (Қалалық балалар саз мектебі. Жетекшісі – Гүлнар Қорғанбаева).
Орта топ бойынша — “СВ Дэнс” би тобы. (Жеке би мектебі, жетекшісі – Ващенко Светлана).
“Гүлден” би тобы, №3 жалпы орта мектеп, жетекшісі – Абдурахман Таласбеков).
Жоғарғы топ бойынша — “Шамсинур” би ансамблі. (Оңтүстік қазақстан саз колледжі, жетекшісі – Маргарита Болдырева).
1-орын:
Кіші топ бойынша — “Балдәурен” би тобы. (Циолковский атындағы №84 жалпы орта мектеп. Жетекшісі – Құралай Идрисова).
Орта топ бойынша — “Армандастар” би ансамблі. (№72 орта мектеп. Жетекшісі – Гүлжан Сакалова).
Жоғарғы топ бойынша — “Қаракөз” би ансамблі. (М.Әуезов атындағы Оңтүстік Қазақстан мемлекеттік университеті. Жетекшісі – Санжарқожа Мырзаев).
