Шымкентте қала әкімінің аппаратының жаңа басшысы тағайындалды. Енді бұл қызметті Мекамбаев Талғат Тойлыбайұлы атқарады. Бұл туралы бүгін Шымкенттің әкімі Дархан Сатыбалды өзінің Фэйсбуктегі парақшасында мәлімдеді.
Мекамбаев Талғат Тойлыбайұлы, 1982 жылдың 15-мамырында туылған. Ұлты — қазақ. Білімі — жоғары. 2002 жылы М.Әуезов атындағы ОҚМУ заңгер мамандығы бойынша, 2007 жылы Көкшетау университетін қаржы мамандығы бойынша оқып, тәмамдаған. Заң ғылымдарының кандидаты. «Отырар TV» телеарнасы, «Оңтүстік Рабат» және «Рабат» газеттерінің ұжымы жаңа басшыға сәттілік тілейді!
