Енді облыстың түкпір-түкпірінен келген 525 дарынды бала химия-биология бағытында тереңдетіп білім ала алады. Үздіктер үшін жаңа ғимаратта барлық қажетті жағдай қарастырылған: оқу бөлмелері технологияның соңғы «тілінде сөйлейді», Назарбаев мектебінің оқушылары үш мезгіл тамақтанады, ал біраз сабақтардың оқытушылары – шетел азаматтары.
Шымкенттегі екінші Назарбаев зияткерлік мектебінің ашылуын көпшілік тағатсыздана күтті. Оқу орталығының құрылысы жаз бойы жүріп, Алғашқы қоңырау күні қарсаңында сәтті аяқталды. Енді 525 дарынды бала өзге пәндермен қоса химия-биология ғылымын тереңдетіп оқи алады.
Білім күні оқушылар мен мұғалімдерді құттықтауға бұл жаңа оқу орнына облыс әкімі Асқар Мырзахметов бастаған ел ағалары келді. Ересектердің алдында өз өнерлерін паш еткен оқушылар қазіргі таңда сәнге айналған флэш-моб ұйымдастырды.
[youtube]http://www.youtube.com/watch?v=7uMDHbn_DRM[/youtube]
