Шымкентте құзырлылар заңсыз саудаға тосқауыл қоюға кезекті рет кірісті. Рейд барысында тексерушілер базар маңындағы заңсыз жұмыс істеп жатқан 30-ға жуық дүңгіршекті алып тастады. Оған қоса сол маңайдағы 78 кәсіпкерді әкімішілік жауапқа тартқан.
Заңсыз сауда жасағандарды жауапқа тартқанмен, олардың бей-берекет әрекеттері тыйылмай отыр. Сондықтан жергілікті билік өкілдері апта саййын базар маңына тексеру жұмыстарын жүргізуде. Бұл ретте шенеуніктер сауда ісін бастаған азаматтарды нәпақасыз қалдырмау үшін базар ішінен орын беріп, жұмысын ары қарай жалғастыру үшін де мүмкіндік жасауда.
Серік Нұрманов, Әл Фараби ауданы әкімінің орынбасары: «Қаланың көркін қашырған жабайы базарларды реттесек дейміз. Сондықтан биыл рейд жұмыстарын жүргізуді күшейттік. Заңсыз саудамен айналысқан азаматтарға алдымен ескерту береміз. Құлақ аспаса, шара көруге мәжбүрміз. Әрине, олардың қамын да ойлап, базар ішінен орын алып беру үшін барымызды салудамыз. Мәселен, биыл қырғы базарының ішінен 100-ге жуық кәсіпкердің сауда жасауы үшін мүмкіндік жасадық.»
