Былтыр қала басшысының алдында тоғызыншы қабатқа жаяу шығып-түсетіндерін жеткізген жұртшылықтың арманы орындалды. Қабанбай батыр көшесіндегі үш көп қабатты үйге жедел саты орнатылды. Енді тұрғындар жоғарғы қабатқа жаяу шықпайтын болды.
Бірақ, жаңа жедел сатыны қолдану – ақылы. Бұл үшін тұрғындар 900 теңгеге арнайы карточка сатып алады. Мұндай бір карта 100 рет мініп-түсуге жетеді. Мұнда зейнеткерлердің көптеп шоғырланғанын ескерген билік өкілдері лифттің төлем картасының құнын 600 теңгеге дейін арзандатуға уәде беріп отыр.
Жаңа жеделсатының техникалық қауіпсіздігі толық қамтамасыз етілген. Сондықтан мұндағы тұрғындардың лифтпен мініп түсуінде ешқандай қиындық болмайды деп сендірді жауаптылар.
