Халыққа қызмет көрсету орталығы түн жарымына дейін жұмыс істейді. Пилоттық жоба ретінде қолға алынған қызмет түрі бойынша құжаттарды түнгі сағат 12-ге дейін алуға болады. Қызмет сапасын арттыру үшін өзге де тың жүйелер жүзе асуда. Мәселен, осыған дейін тиісті шараларға қол жеткізе алмай жүрген мүмкіндігі шектеулі жандар да орталық қызметін бір кісідей пайдалана алатын болды.
Шымкент қаласының тұрғыны Абзал Сейітов осыдан бірер кұн бұрын жүргізуші куәлігін алу үшін өтініш қалдырған. Қала сыртында орналасқан мамандандырылған халыққа қызмет көрсету орталығына баруға уақыт таппаған ол жаңа жүйеге жүгініп отыр. Дайын құжатты енді аудандық мекемеден де алуға болады.
Айта кетейік, жыл басынан бері бері халыққа қызмет көрсету орталығында 5 млннан астам қызмет түрі көрсетілген. Оның 3 мыңнан астамы электрондық түрде жүзеге асты дейді мамандар. Қазір бір реттік құпия сөз арқылы үйде отырып-ақ кей қызмет түрлерін пайдалануға болады. Ал электронды цифрлық қолтаңбаңыз болса, мүмкіндігіңіз көбейе түседі.
Жыл басынан бері іске қосылған сурдоонлайн жүйесі де орталықтың жетістігінен саналады. Қазір мүмкіндігі шектеулі азаматтар осынау тың жүйенің шарапатын көріп отыр.
Маманның міндеті қызмет алушыны байланыста отырған операторға қосу. Оператор мен клиент өзара сөйлесіп, жергілікті маман оператордың дауысы арқылы, қандай қызметке қажеттілік туғанын біліп отырады.
Ал түнгі мезгілде жұмыс істейтін Қаратау аудандық халыққа қызмет көрсету орталығының мекенжайы ауысты. Қазір бұл мекеме Нұрсәт шағынауданы №7 үйде ораналасқан. Айта кетейік, пилоттық жобалар тек қызмет сапасын жақсартып қана қоймай, сыбайластың да алдын алады дейді мамандар.
Мақпал Рысбаева
