Көкпардан Түркістан облысының жастары Шымкент қаласында өзара мықтыны анықтауда. Шымырбай Әуезбаевтың 70 жылдығына арналған жарысқа өңірдің 9 командасы жиналған. Осымен 2 — рет жалауын көтеріп отырған жарысты аңызға айналған шабандоздар тамашалауда.
Шымырбай Әуезбаев, көкпардан КСРО-ның 7 дүркін жеңімпазы: «Жарыстың басты мақсаты өңірдің жастар командасын жасақтау. Іріктелген ойыншылар Қазақстан чемпионатында бақ сынайтын болады».
Қызылорда облысының Жаңақорған ауданында жалауын көтеретін ел біріншілігі келесі айда өткізілмек.
Еске сала кетейік, 6 жыл қатарынан ел үздігі болып келген облыс жастары өткен жылы екінші орын алған еді. Биылғы мақсат чемпиондықты уыстан жібермеу дейді бапкерлер.
Назерке Үкібасова
