Көпқабатты үйлерде сығымдау жұмыстары жүріп жатыр

337

Алдағы жылу маусымына қаладағы көпқабатты үйлер де дайындалуда.Сығымдау жұмыстары тұрғындар мен коммуналдық мекемелер арасында түзілген келісімшарт негізінде жүргізілуде. Ю. Гагарин көшесіндегі №8 үйдегі жер төлесінде әбден тозығы жеткен жылу жүйесі жаңаланды. Қазіргі таңда орталықтандырылған жылу жүйесіне қосылған Әл Фараби ауданындағы 614 көпқабатты үйдің 70 пайызы жылу қабылдауға дайын. Жауапты мамандар қыс мезгілінде пәтерлерде сапалы жылу болу үшін бірнеше талаптарды орындау қажеттігін тұрғындарға ескертеді.

Бағлан ӨТЕУЛІ, Әл-Фараби ауданы әкімдігінің бас маманы: «Жылу жақсы болсын десе тұрғындар ескі  құбырларды, батарейлерді ауыстырулары қажет. Көпқабатты үйде бір пәтердің иесі жаңаламаса, сапалы жылу болмайды. Сондықтан да, уақытты жіберіп алмай, жүйелерді жаңалап алыңыздар».

Сығымдау жұмыстарын аудандағы бес коммуналдық мекеме жүргізуге дайын. Алайда тұрғындар үйді өз күшімізбен алдағы жылу маусымына дайындаймыз десе, таңдау өздерінде. Былтыр Әл Фараби ауданында 130 тарта көпқабатты үйлердің тұрғындары жеке бригадалармен келісіп үйлерді қысқа дайындаған.

Шынар Оразова