Шымкент қаласындағы Әл-Фараби ауданында ішкі істер органдарының ардагерлерімен кездесу ұйымдастырылды. Бұл маңызды шара құқық қорғау саласында ұзақ жылдар бойы қызмет еткен ардагерлерге құрмет көрсетуді және жастар арасында тәжірибе алмасуды мақсат етті.
Кездесу барысында ардагерлердің қажырлы еңбегі мен кәсіби шеберлігіне ерекше назар аударылды. Оларға алғыс айтып, құрмет көрсетілсе, зейнет демалысына шыққан қызметкерлерге де арнайы ықылас білдірілді. Бұл шара олардың адал еңбегі үшін зор құрмет пен ризашылықтың белгісі болды. Сондай-ақ, бірнеше ардагер салтанатты түрде шығарып салып, олардың салаға қосқан үлесі жоғары бағаланды.
Сонымен қатар, іс-шара аясында полиция мен қоғам арасындағы маңызды көпір ретінде қызмет етіп жүрген үй басқарушыларын (домкомдарды) марапаттау рәсімі өтті. Олар профилактикалық жұмысқа белсенді қатысқандығы үшін ерекше мақтау мен алғысқа ие болды. Мұндай ынтымақтастық қоғам қауіпсіздігін қамтамасыз етуге маңызды үлес қосып келеді.
Кездесу соңында қатысушылар бірлескен жұмысты әрі қарай жетілдіру мәселелері туралы пікір алмасты. Бұл шара аудан тұрғындарының қауіпсіздігін қамтамасыз ету және полиция мен қоғам арасындағы ынтымақтастықты нығайту бағытында жасалған маңызды қадам болды.
Әл-Фараби ауданындағы ішкі істер органдарының ардагерлері мен белсенді үй басқарушылары арасындағы кездесулер осындай шаралар арқылы қоғамның бірлігі мен қауіпсіздігін арттыруға зор үлес қосуда. Кездесу аясында зейнет демалысына шыққан қызметкерлерге де ерекше ықылас білдіріліп, олардың адал еңбегі үшін алғыс айтылып, салтанатты түрде шығарып салды. Алдағы уақытта ұрпақ тәрбиесіне қосар қомақты үлесі бар осындай тәрбиелік мәні зор кездесулер ұдайы ұйымдастырылып тұратын болады.
