Биыл 1000-нан астам қазақстандық студент президент стипендиясын алады. Бұл туралы ғылым және жоғары білім министрлігі қаулысының жобасында жазылған.
«2023 жылға арналған Қазақстан Республикасы президентінің стипендиясын жоғары және (немесе) жоғары оқу орнынан кейінгі білім беру ұйымдары арасында бөлу туралы» тиісті құжат жобасы «Ашық нормативтік-құқықтық актілер» сайтында жарияланған.
Жобаға сәйкес, қазақстандық 55 жоғары оқу орнына 1 005 шәкіртақы бөлінеді.
