Ұшақ рейсі өзгеріп немесе кешіктірілген жағдайда әуе компаниялары айыппұлды уақытылы төлеуі тиіс. Әйтпесе, қосымша әкімшілік жауапкершіліке тартылады.
Азаматтық авиация комитеті тиісті ережелерге осындай өзгеріс енгізді. Сондай-ақ, тасымалдаушы жолаушыларды ыстық тамақпен, жатын орынмен қамтуы міндетті. Рейстегі өзгерістер жайлы алдын ала хабардар етуі қажет. Егер жолаушы әуе компаниясының қара тізімінде болса, тасымалдаушы оған қызмет көрсетуден бас тарта алады.
Айта кетейік, әуе компаниясының кінәсінен рейс өзгерген жағдайда 3% мөлшерінде айыппұл төленеді. Рейс 5 сағаттан артық кешіктірілсе, билет бағасы толық қайтарылады.
