Шымкент қаласы бойынша «Азаматтарға арналған үкімет» қала тұрғындарын келе жатқан мерекелерімен құттықтай отырып, енді кезекші ХҚКО мен МХҚКО жаңа мекенжай бойынша жұмыс істейтінін хабарлайды.
Наурыз айынан бастап кезекші ХҚКО Әл-Фараби ауданы, Жангелдин көшесі, 13 «А» мекенжайы бойынша жұмыс істейтін болады. Ол жұмыс күндері сағат 9:00-ден 20:00-ге дейін, ал сенбі күндері 09: 00 — ден 13:00-ге дейін жұмыс істейтін болады.
Кезекші МХҚКО 196 квартал, 381/1 мекенжайы бойынша қабылдайды. Ол жұмыс күндері сағат 9.00-ден 18.00-ге дейін, түскі үзіліссіз жұмыс істесе, сенбі күні 09:00 — ден 13:00-ге дейін қабылдайды.
Қаланың қалған ХҚКО-лары әдеттегі кесте бойынша дүйсенбі мен жұма аралығында 09:00-ден 18:00-ге дейін жұмыс істейтінін айта кетеміз.
Естеріңізге сала кетсек, Мемлекеттік қызметтерді «ХҚКО» мобильді қосымшасы арқылы да онлайн алуға болады.
